Masfjorden vart eigen heradskommune i 1879, då den vart skilt ut frå Lindås heradskommune. Masfjorden ligg i Norhordland, og etter kommunesamanslåinga i 1964 er kommunegrensa i aust mot Modalen , i søraust, sør, sørvest og vest mot Lindås. I nord grensar Masfjorden mot Sogn og Fjordane fylke, med kommunane Gulen i nordvest og Høyanger i nordaust. Kommuneinndelinga: I samsvar med formannskapslovene av 1837 § 1 vart Lindås formannskapsdistrikt oppretta og gjort gjeldande frå 1838. " I ethvert Præstegjeld paa Landet skal det være et Formandskab....." Matrikkellova av 1863 innførte nemninga herad for formannskapsdistrikt på landet. Heradskommune er også ei nemning som er brukt. I nyare tid er kommune den mest vanlege nemninga. Ved kgl.res. av 25.01.1879 vart det godkjent at Masfjorden prestegjeld skulle frådelast Lindås heradskommune og verta eigen Masfjorden heradskommune. "hvorved er bestemt: 1. At Approbation i Henhold til Lov af 25de Februar 1860 § 1 meddeles paa de af Formænd og Repræsentanter for Lindaas Herred i Nordhordlands Fogderi, Søndre Bergenhus Amt, under 22de Februar 1876, 17de Januar 1877 og 8de Juli 1878 fattede Beslutninger om Herredets Deling i 2de Herreder, Lindaas og Masfjorden, svarende til Præstegjeldene af samme Navn og hvert udgjørende et særskilt Skole- og Fattigvesendistrikt. 2. At Amtmander bemyndiges til at bestemme, fra hvilken Tid Delingen bliver at iværksætte." Amtmannen fastsette tidspunktet til 01.03.1879. Gjeldande frå 1964 skjedde det store endringar i kommuneinndelinga i Hordaland fylke, til liks med resten av landet. Ved kgl.res. av 07.09.1962 vart det gjort vedtak om desse endringane for Masfjorden heradskommune. " 5) Eigedomane under gnr. 1 - Einestrand, gnr. 2 - Eikebotn og gnr. 3 - Kikallen av Lindås kommune vert lagde til Masfjorden kommune. " Kongeleg resolusjon av 21.07.1963 fastsette at ovanfornemnde overføring skulle gjerast gjeldande frå 01.01.1964. Kjelder: Norsk Lovtidende/Departementstidende (Kgl.res.) Register over kyrkjebøker, Statsarkivet (prestegjeld/soknedeling Matrikkelen av 1838 (tinglaga) Register over lensmannsarkiv, Statsarkivet (tinglag og lensmannsdistrikt)