Skulestyret (også kalt skulekommisjonen) hadde ansvar for utdanninga i kommunen. Det var ofte menn med viktige verv på staden (eligerte menn) som sat i kommisjonen. Dei skulle tiltre formannskapet når det der vart handsama skulesaker. Det utvida formannskapet vart då kalla det kombinerte formannskap. Skulelova av 1889 bestemte at skulestyret på landet skulle vera samansett av ein lærar eller lærarinne, ved sida av soknepresten eller den residerande kapellan, og eit visst antal medlemmar valgt av kommunestyret. Skulestyret tilsatte lærarar og kunne i somme høve avsetja dei. Rådet skulle utarbeida undervisningsplan, setja opp budsjett og avleggja rapport om skulens tilstand til overtilsynet.