Arkivet inneheld møtereferat, brevkopiar, elev- og personalmapper, dokumentasjon frå elevsaker/IOP, fritak frå fag og særinntak, og lønsjournalar.

Arkivet inneheld møtereferat, eksamens- og karakterprotokollar og kursbevis.

Arkivet inneheld ymse møtereferat, kopibøker og brevjournal, eksamens- og karakterprotokollar, kursbevis og fråværsdokumentasjon, elev- og personalattestar, teikningar, rekneskap, trykksaker og historikk.

Skipa som «Fruktdyrkingsskulen» i 1901 i privat regi. Staten overtok driftsansvaret i 1936 og fylkeskommunen i 1994. (Ft. 13/97). Melding om forhandlingar med staten, Fuv 170/94. Vedtak oktober 1994 om overtaking av driftsansvar frå 01.11.1994. Budsjett 1995 s. 132. Skulen vart nedlagt i 2017. Tidligare namn: 1901-1907 Fruktdyrkingsskolen paa Hjeltnes 1907-1908 Haveskolen for fruktdyrkning paa Hjeltnes 1908-1914 Have- og fruktdyrkningsskolen paa Hjeltnes 1914-1936 Hjeltnes hagebruksskule 1936-1964 Statens hagebruksskule Hjeltnes 1964-1994 Statens gartnarskule Hjeltnes 1994-2010 Hjeltnes gartnarskule 2010-2017 Hjeltnes vidaregåande skule

Voss gymnas var ein fylkeskommunal vidaregåande skule i Voss kommune i Hordaland. Skulen vart skipa i 1916 som Voss offentlege landsgymnas. Fylkestinget gav 22.11.1963 fylkesutvalet fullmakt til å forhandla om overtaking. Statleg tilbod om overtaking frå 01.01.1965 godteke av fylkesutvalet 2.10.1964. Ft. 46/64 s. 424. Skulen fekk ny bygningsmasse etter ein omorganisering av dei vidaregåande skulene på Voss i 2017. Arkivet var ordna i 2017.

Voss hjelpepleiarskule starta opp i januar 1965. Både skulen og internatet held til i 3. etasje på Voss Fylkessjukehus dei første åra. Skulen vart innlemma i den nye Rogne videregåande skule frå 1984.

Vidaregåande skule på Voss med kring 140 elevar, fordelt på to studieretningane formgjeving og media. Byrja undervising i 1947 administrert av Norsk Kunsthandverksskule. Eigen institusjon frå 1949 og del av det vidaregåande skuleverket 1976. Overteken av fylket frå 01.07.1960 (Ft. 72/59). Nybygg teke i bruk på nyåret 1971 (Ft. 1/juni 1973, s. 85). Litteratur: Ålmenn soge for Voss II s. 452. Hordalandsnytt 6/98 s. 13. Skulen vart innlemma i nye Voss gymnas frå 2017.

Voss husmorvikarskule var ein av dei første husmorvikarskulane i landet. Oppretta av føregangskvinner i Norges Husmorforbund i januar 1949. Føremålet var å utdanna husmorvikarar til hjelp i heimen når husmora var sjuk ol.Skulen vart innlemma i den nye Rogne videregåande skule frå 1984.

Fylkeskommunal videregåande skule på Skulestadmoen i Voss kommune i Hordaland skipa som rein landbruksskole i 1948. Frå 2016 i nytt skolebygg med namnet Voss vidaregåande skule og undervisningstilbod som tidlegare var delt mellom Voss jorbruksskule, Rogne vidaregåande skule, Hjeltnes vidaregåande skule i Ulvik og gamle Voss vidaregåande skule med avdelinger på Bryn og Vatle på Voss og i Granvin.

Voss komm. husmorskule (Voss husstellskule) starta opp med undervisning i januar 1921. Skulen var ein vandreskule, det vil seie at undervisninga flytte frå grend til grend i heile Voss. Undervisningslokala kunne vera i skular, bedehus, ungdomshus eller hjå private. Dette at skulen kom ut i grendene gjorde at mange unge jenter, som måtte vera heime for å hjelpa til på gardane, fekk utdanning i husstellfag. Kvart kurs var på 5 månader. Det tok 3- 4 år å koma rundt i alle grendene, og i 30 år heldt skulen på med denne flyttinga. I samband med gjenreisinga av Vangen etter krigen fekk skulen faste lokale i eit av nybygga i Vangsgata. Skulen vart innlemma i den nye Rogne videregåande skule frå 1984.

Voss læringsskule var ein fylkeskommunal vidaregåande skule i Voss kommune i Hordaland. Skulen vart skipa i 1941 og gjekk i 1970 inn i Voss yrkesskule. Arkivet var ordna i 2017.

Historia om Voss vidaregåande skule strekker seg tilbake til 1920-tallet. Arkivet inneheld difor delar som er eldre enn dagens skule som vart oppretta i 1993. -- Dei ulike namna på skulane som til slutt blei Voss vidaregåande skule: Voss tekniske kveldsskule frå 1935 Vatles Handelsskule frå 1945 Vatles Dekorasjonsfagskule frå 1969 Voss tekniske fagskule frå 1990 Voss vidaregåande skule frå 1993

Voss yrkesskule var ein fylkeskommunal vidaregåande skule i Voss kommune i Hordaland. Skulen vart skipa i 1948 og gjekk seinare inn i Voss vidaregåande skule. Arkivet var ordna i 2017.

Voss yrkesskule var ein fylkeskommunal vidaregåande skule i Voss kommune i Hordaland. Skulen vart skipa i 1948 og gjekk seinare inn i Voss yrkesskule. Arkivet var ordna i 2017.

Norheimsund vidaregåande skule er ein fylkeskommunal vidaregåande skule i Norheimsund i Kvam herad i Hordaland. Skipa som Norheimsund yrkesskule i 1949. I 1997 skifta skulen namn til Norheimsund vidaregåande skule. Frå 1.januar 2017 vart skulen slått saman med Øystese gymnas til ein skule under namnet Kvam vidaregåande skule. Avdeling Norheimsund tilbyr studieretningane helse- og oppvekstfag, elektrofag og teknikk- og industriell produksjon.

Arkivet inneheld møtereferat, brevkopi, brevjournal, korrespondansearkiv, karakter- og fråværsdokumentasjon, elev- og personalmapper, dokumentasjon frå skuleverksemd, lønsjournalar, foto, avisutklipp, diplomar m.m.

Arkivet dekker heile gymnaset si levetid. Det inneheld teikningar, møtereferat og anna dokumentasjon frå skipinga av skulen, i tillegg til dokumentasjon frå generell møteverksemd, brevkopi, brevjournal, saksarkiv, karakter- og fråværsdokumentasjon, elev- og personalmapper, dokumentasjon frå ymse skuleverksemd, rekneskap, trykksaker, klassebilete m.m.